Charles Xuereb the Communicator

Charles Xuereb talks to fellow author Charles Flores about his upbringing, cultural influences and his colourful career. They are both giants of modern Maltese journalism :

..Aktar ma beda jghaddi z-zmien, aktar Charles beda jhoss li postu kellu jkun fil-midja, jew talanqas f'wiehed mill-mezzi ta' komunikazzjoni umana. Triqtu sal-lum hadet dik il-moghdija - beda bhala gurnalist fl-istampa, dahal jghallem fl-iskejjel u sar midhla tar-radju sakemm stabilixxa ruhu fil-qasam tat-televizjoni mhux biss bhala prezentatur simpatiku u produttur ta' hila, izda anke bhala quiz master eccellenti tal-bixra ta' Mike Buongiorno fl-aqwa tieghu. Dawk il-jiem sbieh tat-tfulija li qatta' jirrakkonta u jistaqsi lit-tfal shabu fuq l-ghatba tad-dar fi Triq Brighella kienu hallew il-frott taghhom..

"Kont bdejt niehu sehem attiv fl-ghaqda tad-dibattiti u dhalt fil-pika bejn l-istudenti ewlenin ghal min kien se jkun kapaci jaqra l-ixkaffi kollha tal-kotba qabel kulhadd. Niftakar lil Charles Abela Mizzi, li wara sirt kollega tieghu fil-qasam tax-xandir nazzjonali, jaghtini l-ewwel lezzjonijiet tal-Malti fil-livell Sekondarju u kien sahansitra ghamilni l-prefett tal-klassi, sakemm tlabtu jnehhini ghax ma kienx qed jibqaghli hin ghall-qari. Warajh kelli lil Guzè Chetcuti. "Fil-klassi mieghi kelli lil Gorg Borg, illum poeta maghruf mis-snin sittin. Niftakru jghallimni r-regoli tal-poezija li issa kont bdejt nithabbeb maghha."

Dak it-tfajjel kwiet izda determinat u konvint minn triqtu, beda diehel fiz-zghozija. Mal-Malteen u l-ghaqdiet tat-tfajliet u l-guvintur flimkien, kellu ukoll il-passjoni ghall-qari tal-kotba dwar James Bond, ikona ohra tas-snin sittin. "Ian Fleming kien awtur mill-aqwa u x-xoghlijiet tieghu m'ghandhomx jitqiesu bil-lenti tal-films li saru dwarhom," qalli bilgri meta nfurmani li ghandu l-kollezzjoni shiha tal-kotba ta' Fleming.

Kien ghalhekk wasal il-waqt tat-tieni nofs tas-snin sittin meta Charles Xuereb dahal ukoll fil-qasam letterarju ta' pajjizna. Iz-zghazagh tal-'mixed youth clubs' issa kellhom interessi godda. Twieled il-Moviment Qawmien Letterarju. Charles Xuereb sahansitra hareg l-ewwel ktieb tieghu - Kalejdoskopju (1969) - flimkien ma' Pawlu Cachia u certu Charles Flores. L-gheruq lahqu xxettlu. Bdiet titnissel karriera li ghadha sejra sal-lum. Il-komunikatur naturali m'ghandux kwiet. Charles Xuereb li nafu...